உன் நிழல்களால் வளர்க்கப்பட்டு
உன் நிஜங்களால்
நிராகரிக்கப்படும்போது 
நிலைகுலைகிறேன்

நீர்குமிழாக 
நீர் குமிழுக்குள் காற்றாக
உன் சிரிப்பில் 
சிறைப்படுகிறேன்

என்னை வேரருக்கிறாய்
மாறும் முகபாவங்களால் 
மனம் மயக்குகிறாய்
அடிமை என சொல்லியே

அடிமை ஆக்குறாய் 
அழகின் சிரிப்பாக 
ஆளுமைசெய்கிறாய்.....
கண்களால் கைதுசெய்கிறாய்

இமைச்சிறைக்குள் 
இருத்திப்பார்க்கிறாய் 
இதயஅறைக்குள் அடைத்து 
இம்சைசெய்கிறாய்

நான் ஆயுள் தண்டணைக்கைதியா
இல்லை 
சந்தேகத்தின்பேரில்
விசாரணைக்கைதியா ....
சொல்லிவிடு....

விடுதலை செய்துவிடாதே
ஆயுள் தண்டனைக்குஆவல்
விசாரணை கைதியாக 
ஆயுள்முழுவதும் பரவாயில்லை

விடுதலை மட்டும் செய்துவிடாதே
விழுந்துவிடுவேன் நான்
மறந்து அல்ல
இறந்து...........